Pauwi na kami ng Tacurong City nung hapon na iyon. Galing kami sa paglilibot ng mga paaralan sa Datu Paglas, Maguindanao para magbigay ng orientation tungkol sa aming mga programa.
Nang kami ay mapadaan sa hekta-hektaryang puno ng saging sa tabi ng daan na pagmamay-ari ng La Frutera, bigla kong naitanong sa kasama ko:
“Bakit ba sinasabing paborito ng unggoy ang saging samantalang kahit ni isang unggoy eh wala ka naming makikita dito? Di ba kadalasan, ang unggoy eh nakikita mo sa bundok, dun sa maraming mga punong kahoy? Tsaka kahit ano naman kinakain nila eh.”
Ang sagot ni Lyndon, “Baka dahil sa kwento ni Jose Rizal na ‘Ang Pagong at ang Matsing’”. Hmm, may punto siya.
